“Maşın” şounun komandası aparıcı Suna Kasımoğlunun evində qonaq olub.
Musavat.com xəbər verir ki, aparıcının həyat yoldaşı Vahid Kasımoğlu kamera qarşısına keçərək 24 illik evliliklərindən danışıb: “Bacımın övladının doğum günü idi. Mən də 5 dəqiqəlik onlara getdim. Suna bacımın rəfiqəsi idi. Orada görüb bəyəndim. 3 saat yarım bacımgildə oturdum. Qısa zamanda evləndik. 24 ildir ki, evliyik”.
İki övladı olan aparıcı isə heç vaxt bu qədər uzun müddət ayrı qalmadıqlarını bildirib: “24 ildə ilk dəfədir ki, 15 gündür ayrıyıq. Həyat yoldaşım dedi ki, hər gün şouya gələcəyəm , özünü tək hiss etmə”.
Aparıcının dəbdəbəli evi də diqqət çəkib.
Qeyd edək ki, Suna “Maşın”ın finalçılarından biridir. O həmkarı Lalə Mustafayeva ilə avtomobil uğrunda yarışır.
Könül
Musavat.com