İmantas Melyanas keçmiş SSRİ məkanındakı münaqişələrin süni şəkildə yaradıldığını bildirib. Onun fikrincə, Litva Seymi də Xocalı faciəsi və Azərbaycan ərazilərinn işğalı ilə bağlı sənəd qəbul etməlidir.
Jurnalist Riçardas Lapaytis Xocalı soyqırımı zamanı Azərbaycanda olub. Hadisənin şahidləri ilə görüşüb və soyqırıma məruz qalan insanların şəkillərini çəkib. “1992-ci ildə mən Xocalıda gözləri çıxarılmış, qulaqları kəsilmiş uşaqların şəkillərini mediada dərc etdirə bilmirdim. Media bu şəkilləri dərc etməkdən belə qorxurdu. Amma o zaman Xocalı soyqırımı ilə bağlı yazımın və şəkillərimin bir hissəsini dərc etdirə bildim. Mən Laçında olmuşam, tibb bacısı Gültəkin Əsgərovanın qrantamyotla vurulmuş cəsədinin qalıqlarını yığmaqda insanlara kömək etmişəm”, - deyə jurnalist xatirələrini danışıb.
