Bu gün Ukrayna vaxtı ilə saat 16 radələrində Krım Tatar Milli Məclisinin başqanı Refat Çubarovun atası Abdurrahman Çubarovun meyiti yaşadığı evdə tapılıb.
Bu barədə APA-ya R. Çubarovun yaxınları məlumat verib. Onların bildirdiklərinə görə, 84 yaşlı A. Çubarov ailə üzvləri ilə birlikdə doğulub böyüdüyü Pri-volnaya kəndində yaşayıb. Bu kənd Simferopoldan 130 kilometr məsafədə yerləşir.
Hüquq-mühafizə orqanları A. Çubarovun ölümünün səbəbini araşdırırlar.
Onun dəfninin sabah Pri-volnaya kəndində keçiriləcəyi, dəfn mərasimində bəzi Rusiya rəsmilərinin iştirakının da gözlənildiyi bildirilib.
