ABŞ-ın keçmiş dövlət katibi Hillari Klintonun keçmiş köməkçisi Huma Abedin ABŞ senatorunu cinsi təcavüzündə suçlayır.
Musavat.com “Guardian”a istinadla xəbər verir ki, Huma Abedin adı açıqlanmayan siyasətçinin 2000-ci illərin ortalarında onu evinə dəvət etdikdən sonra divanda onun üzərinə atıldığını söyləyib. Abedin bildirib ki, bu zaman o siyasətçiyə qarşı çıxıb və evdən qaçıb. Huma Abedin qeyd edir ki, etirazla üzləşən senator ondan üzr istəyib və onu yanlış anladığnı deyib.
Abedin yazır: "Sonra mən yalnız iyirmi yaşlı versiyamın ağlına gələ biləcək bir şey söylədim - "çox təəssüf edirəm" - və mümkün qədər diqqətsiz görünməyə çalışaraq oranı tərk etdim".
İddianın təfərrüatı onun gələn həftə nəşr olunacaq “Both/And: A life in Many Worlds” adlı yeni kitabında yer alıb.
Kamilə, Musavat.com
