Ermənistanda üzümün məhsuldarlığı 30 faizdən az olub.
“Report” “Joxovurd”a istinadən xəbər verir ki, bunu Ermənistan Aqrar-Kəndli Birliyinin sədri Qraç Berberyan bildirib.
“Cari il kartofla bağlı problem olub. Ölkə ərazisində onun əkin sahəsi azalıb. Əkmək üçün əhalidə toxumlu kartof olmadı. Kəndlilərin alma bağlarının müalicəsi vaxtında təşkil olunmadı. Üzümün məhsuldarlığı 30 faiz aşağı düşdü. Onlar (hökuməti nəzərdə tutur-red.) istədikləri rəqəmi yaza bilərlər. Cair il kənd təsərrüfatı üçün pis başladı. Kəndlilər əkin üçün yanacaq və toxumla təmin edilmədi”, - deyə o bildirib.
Ermənistan Statistika Komitəsinin məlumatına görə, cari ilin 9 ayı ərzində kənd təsərrüfatı məhsulları 4,8 azalıb. Ötən illə müqayisədə isə bitkiçilik sahəsində 7 faiz azalma qeydə alınıb.
