Avropa İttifaqının (Aİ) Rusiyaya qarşı 16-cı sanksiyalar siyahısına 48 fiziki və 35 hüquqi şəxs daxil ediləcək.
“Report” xəbər verir ki, bu barədə “Reuters” agentliyi avropalı diplomatlara istinadən məlumat yayıb.
Bildirilib ki, hüquqi şəxslərə qarşı sanksiyalar onların Aİ-dəki aktivlərinin dondurulmasını, fiziki şəxslərin isə ittifaq ölkələrinə girişinin qadağan edilməsini nəzərdə tutur.
Qeyd edək ki, bu gün Aİ üzvü olan 27 ölkənin səfirləri Rusiyaya qarşı 16-cı sanksiya paketini təsdiqləyiblər.
