Avropanın Statistika Agentliyinin məlumatına əsasən, Kipr adasında Avropa İttifaqında (Aİ) xərçəng xəstəliyindən ölümün ən aşağı səviyyəsi müəyyən olunub. Məlumatda qeyd edilir ki, Kiprdə 2016-cı ildə hər 100 min nəfərə 194 ölüm qeydə alınıb. Yunanıstanda bu rəqəm 100 min nəfərə 249 ölüm təşkil edir. Bu Aİ-də orta göstəriciyə yaxındır. Aİ-də ümumiyyətlə isə 2016-cı ildə 1,2 milyon nəfər xərçəng xəstəliyi nəticəsində vəfat edib. Xərçəng xəstəliyi Aİ ölkələrindən qeydə alınmış ölüm hadisələrinin 26 faizini təşkil edib. Kişilər qadınlara nisbətən bu xəstəlikdən daha çox əziyyət çəkiblər. Belə ki, 656 min 100 nəfər kişi və 511 min 600 qadın xərçəngdən Aİ-də vəfat edib.
