Koreya Xalq Demokratik Respublikasının lideri Kim Çen In Şimali və Cənubi Koreyanın birləşməsini simvolizə edən abidəni sökdürüb.
Musavat.com xəbər verir ki, sözügedən abidə iki ölkə arasında yaranan gərginlik fonunda yerlə bir edilib.
Ölkənin paytaxtı Pxenyanda yerləşən abidə iki qadın fiqurun əlində xəritə tutduğu bir birləşmə simvolu kimi tanınırdı.
Qeyd edək ki, Şimali Koreya lideri Kim Çen Inın daha əvvəl Cənubi Koreyanı “Potensial Düşmən” elan etməsindən sonra iki ölkənin birləşməsini simvolizə edən baş abidənin söküldüyü bildirilib.
Yanvarın 23-də çəkilmiş peyk görüntüləri ilə abidənin olduğu yerdə böyük bir çuxurun olduğunu təsdiqlənib. Bu abidə 2001-ci ildə tikilib.Abidənin sökülməsindən sonra bölgədə siyasi gərginliyin daha da artacağı təxmin edilir.
Musavat.com
