Azərbaycanı 2012-ci ildə Bakı şəhərində keçirilən 57-ci “Eurovision”da təmsil etmiş Səbinə Babayeva müsabiqə haqda fikirlərini bölüşüb.
Musavat.com xəbər verir ki, müğənni sosial şəbəkədə gələcək təmsilçilərə məsləhət verib: “Ötən gün müsabiqədən öncə İTV-də yayımlanan müsabiqə ilə bağlı verilişdə qonaq olduq. Proqram maraqlı alındı, həmkarlarımızla görüşüb, “Eurovision” barədə fikirlərimizi bölüşdük, sonda “Ey Azərbaycan” mahnısını oxuduq, vətənə də uğur dilədik. Müsabiqəyə getmək istəyən ifaçılara tövsiyəm budur ki, nə olur olsun, başınızın üstündə Azərbaycan bayrağı olduğunu unutmayın. Siz oraya özünüzü yox, Azərbaycanı təmsil etməyə gedirsiniz. Bütün dünya sizi görür və Azərbaycanın siması siz olursunuz”.
Könül İbrahim,
Musavat.com
