Məşhur braziliyalı futbolçu Kaka karyerasını yenidən “Milan”da davam etdirməyə yaxındır. Virtualaz.org xarici mətbuata istinadən xəbər verir ki, 31 yaşlı yarımmüdafiəçinin İtaliya klubuna havayı başa gələcəyi gözlənilir.
Kakanın “Milan”la 2 illik müqavilə bağlayacağı vurğulanır. Futbolçunun köhnə-yeni klubunda ildə 5 milyon avro qazanacağı iddia olunur.
Qeyd edək ki, Kaka 2003-2009-cu illərdə “Milan”da top qovub. Karyerasının ən yaxşı illərini İtaliya klubunda keçirən ulduz futbolçu 2007-ci ildə “Qızıl top”a yiyələnib. O, “Milan”la ölkə çempionu, Çempionlar Liqasının qalibi olub. 64,5 milyon avroya “Milan”dan “Real”a transfer olunan Kaka Madrid klubunda ümidləri doğrulda bilməyib.
