Aldığımız məlumata görə, “Trend” və day.az saytları, “Azərbaycan”, “Palitra”, “Kaspi” qəzetləri müayinə olunacaq jurnalistlərin siyahısını təqdim edib. Dünən jurnalistlərin müayinəsi haqda reportaj hazırlamaq üçün klinikaya yollandıq. Lakin səhər saatlarından axşamadək heç bir jurnalistin müayinə üçün gəldiyini görmədik. Axşam saatlarında tibb mərkəzindən aldığımız məlumata görə isə cəmi bir jurnalist xəstəxanaya gələrək müayinə olunub.
Xatırladaq ki, jurnalistlər üçün nəzərdə tutulan müayinələrə - həkim konsultasiyası, bütün qarın boşluğunun USM, EKQ, qanın ümumi müayinəsi, sedimentasiya, protrombin indeksi, qanın laxtalanması, sidiyin ümumi müayinəsi, nəcis müayinəsi daxildir. Analizlərdən sonra konsultasiya pulsuz olacaq.
