Fotoqrafın işgəncə fotosessiyası dünyanın gündəmində
31 yaşındaki fotoqraf Paola Peredes homoseksuallığı ucbatından cəzalandırılan qadın və kişilərin fotosunu çəkmək üçün gizlicə onların saxlandığı klinikaya girib.
Musavat.com fotoqrafın çəkdiyi şəkilləri və onların hekayəsini təqdim edir.
Fotoqraf qadın Ekvadorda homoseksualların “müalicə”olunduğu bir klinikada dünyanı şoka salan görüntülər çəkib. O, klinikada yemək verməmək, ibadətə məcbur etmək və hətta “müalicəvi təcavüz” kimi qorxunc işgəncələrə şahid olub. Məlum olub ki, təkcə Ekvadorda yox, Cənubi Amerika, Avropa və digər ölkələrdə bir çox klinikada müalicə adı altında bunun kimi işgəncələr tətbiq olunur. Lesbiyan bir fotoqraf olan Peredes sözügedən klinika barədə 2013-cü ildə bir dostundan xəbər tutub. Daima bu mövzu onu maraqlandırdığı üçün özünü bir şəkil seriyası yaratmağa məcbur hiss edib.
O, yerli mediaya verdiyi müsahibəsində aşağıdakıları deyib: “O klinikalardan birinə gedib, özümü oraya bağlaya bilmə düşüncəsi illərlə beynimi məşğul etdi. Çox güman ki, beynimin dərinliklərində bura ilə bağlı nələrsə etmək lazım olduğunu bilirdim”.
Peredes klinikalardan birinə baş çəkməzdən öncə bir neçə ay boyunca araşdırma apardığını və klinikanın keçmiş xəstələrindən yaşadıqları təcrübə ilə bağlı müsahibələr götürdüyünü dedi. Amma onun klinikaya girmə hekayəsi çox qəribə olub. Necə deyərlər, jurnalistlərin “projesi” kimi bir şey. Peredes bu klinikaya getmək üçün ailəsindən kömək istəyib. Valideynləri də əslində qızlarının cinsi kimliyini qəbul etsələr də, buna etiraz edirmiş kimi davranaraq, klinikanın müştərisi rolunu öz üzərlərinə götürüblər. Peredes onların müşayiəti ilə klinikanı gəzərkən köynəyinin içinə mikrofon yerləşdirib.
Peredes ona hər hansı zərər gəlməyəcəyini bildiyi halda, bu ziyarətin çox çətin olduğunu söyləyib: “Dürüst olmaq lazımdırsa, çox qorxdum. Davamlı olaraq tərləyir və titrəyirdim”.
Klinikanın içində foto çəkmək də bir o qədər yorucu olub. Peredes o əzab dolu şəkillərin obyekti olaraq dostlarından və keçmiş xəstələrdən istifadə etmək yerinə, özünü hadisələriun mərkəzinə qoyub və bu vəzifəni üzərinə götürüb. Göz yaşı dolu çəkilişlərin nəticəsi olaraq ortaya çıxan şəkillərdə klinika xəstələrinin tualet təmizləmə, döyülmə, iyrənc yeməkləri zorla yemə və dini təməlli cəzalara məruz qalma kimi şiddət dolu günləri təsvir edilib.
İndi isə bütün dünya bu görüntülərdən danışır. Məlum olur ki, bir çox hallarda insanların öz yaxınlarını, övladlarını düçar olduqları cinsi pozğunluqdan qurtarmaq üçün göndərdikləri klinikalar əzab, işgəncə və qeyri-insanı rəftarın mərkəzidir. Bu fotolar da onun sübutudur.
Sevinc TELMANQIZI, musavat.com
