Dünən gecə İstanbulda Fateh məscidində şüarlar səsləndirərək imamı və yanındakı bir nəfəri bıçaqlayan şəxs qısa zamanda yaxalanıb.
Musavat.com xəbər verir ki, dəhşətli hadisənin görüntüləri ortaya çıxıb.
Fateh məscidində namaz qılarkən problem yaradan şübhəli Ö.S özəl mühafizəçilər tərəfindən məsciddən çıxarılıb. Namazdan sonra imam ilə danışmaq istədiyini bildirən şəxs onun otağına daxil olub. Daha sonra həmin şəxs imama və onun yanındakı Bilal Erdemə bıçaqla xəsarətlər yetirib.
Hadisədən dərhal sonra məscidə polis və təcili yardım çağırılıb. Yaralılar tibb işçiləri tərəfindən xəstəxanaya aparılıb. Şübhəli Ö.S. nəzarətə alınıb.
Musavat.com
