İŞİD terror qruplaşmasının Səudiyyə Ərəbistanındakı qanadının lideri öz tərəfdarlarını Ərəbistan yarımadasındakı bütün şiələri məhv etməyə çağırıb.
Musavat.com-un məlumatına görə, bu barədə “Reuters”in yaydığı məlumatda bildirilir ki, özünün video-müraciətində radikal-terrorçu bəyan edib ki, “şiələr kafir və münafiqdir, onların qanını tökmək, malını ələ keçirmək olar”.
“Əgər onlar Məhəmmədin yarımadasında öz dinsizlikləri ilə yaşamaqda davam edəcəklərsə, necə olacaq”, - deyə terrorbaşı sual edib.
Qeyd edək ki, Ərəbistan yarımadasının 77 milyonluq əhalisinin ən azı 10 milyonu şiədir və onların da çoxu Yəməndə yaşayır.
Musavat.com
