Ermənistan paytaxtında, prezident iqamətgahının yaxınlığında ölkənin Gömrük İttifaqına qoşulması əleyhinə aksiyalar başlayıb. Musavat.com-un erməni mənbələrinə istinadən verdiyi məlumata görə, iştirakçıların sayı bu dəqiqələrdə durmadan artır. Elə polis əməkdaşlarının da.
Etirazçıların heç bir siyasi və ya ictimai hərəkatın üzvü olmadığı, məsələdən yalnız facebook vasitəsilə xəbər tutduqları qeyd edilir. Nümayişçilər Ermənistanın Gömrük İttifaqına üzvlüyünə imkan verməyəcəklərini bəyan ediblər. Çünki onların fikrincə İttifaqa üzvlük “Ermənistanın müstəqilliyinin tam itirilməsinə gətirəcək”.
Qeyd edək ki, dünən prezident Serj Sərkisyan Moskva səfəri çərçivəsində Ermənistanın sözügedən quruma üzv olmasına razılıq verib.
