Sosial şəbəkələrdə Siam adı ilə mahnıları yayımlanan və mahnıları 1 milyon dəfədən çox dinlənilən müğənni ölkədən qaçmaq istəyərkən yaxalanıb.
Musavat.com xəbər verir ki, Türkiyədə yaşayan İran əsilli Sıamak Shabdel Borhan həyat yoldaşı ilə birlikdə yaxalanıb.
Onlar saxta pasportla Almaniyaya qaçmaq istəyərkən saxlanılıblar.
İstanbul Hava Limanında baş verən hadisədə Türkiyədə yaşamaq icazəsi olan iranlı milli müğənni Sıamak Shabdel Borhan və həyat yoldaşı Sahar Heidrizad Ghezeljeh qeyri-qanuni yollarla Almaniyaya getmək planı qurublar. Müğənni və həyat yoldaşı səfərdən əvvəl həm Tehran, həm də Almaniyanın Berlin təyyarəsində qeydiyyatdan keçiblər. Keçid məntəqəsinə İran pasportu ilə gələn cütlük Tehranın təyyarə bileti ilə pasport nəzarətindən keçib.
Planlarında heç bir geriləmə olmadığını anlayan cütlük əvvəllcədən qeydiyyatdan keçdikləri Berlin təyyarəsinin qapısına gediblər. Müğənni Borhan və həyat yoldaşı çantalarındakı saxta Kolumbiya və Britaniya pasportlarını buradakı məmurlara göstərib.
İşçilər tərəfindən pasportları müsadirə edilən Sahar Heidrizad Ghezeljeh hadisə yerindən qaçıb, iranlı müğənni saxlanılıb.
Aparılan əməliyyat nəticəsində hadisə yerindən qaçan iranlı müğənninin həyat yoldaşı da nəzarətə götürülüb.
Hadisə ilə bağlı araşdırmalar başlanılıb.
Musavat.com
