“İranda ilk koronavirusa yoluxma halı qeydə alındıqdan sonra aidiyyəti dövlət qurumlarının təmsil olunduğu iştirakı ilə xüsusi qərargah yaradılıb. İndiyədək qərargahın bir neçə iclası keçirilib”.
APA-nın Tehran bürosunun xəbərinə görə, bunu İran Xarici İşlər Nazirliyinin (XİN) sözçüsü Abbas Musəvi deyib.
O qeyd edib ki, koronavirus təhlükəsi ilə əlaqədar bir sıra qonşu ölkələrdə narahatlıqlar hökm sürürdü: “Biz çalışdıq ki, həmin narahatlıqları aradan qaldıraq. Bir neçə sərhəd-keçid məntəqəsi fəaliyyət göstərir. Eyni zamanda ticarət mübadiləsinin qorunub saxlanılması üçün dost və qonşu ölkələrlə yaxından əməkdaşlıq edirik. Sürücülər tibbi yoxlanışdan keçir və onlara sağlamlıq barədə arayış verilir”.
