Hindistanın böyük aviaşirkətlərindən olan “Air India” özünün daxili reyslərində ekonom klassla uçan sərnişinlərinə yalnız vegeterian yeməklər verəcək.
Musavat.com xəbər verir ki, bu barədə məlumat “Indian Express”də yer alıb.
Şirkət bu addımı tullantıların azalmasına, xərclərin aşağı enməsinə və xidmətin yaxşılaşmasına görə atdığını bildirib.
Bundan başqa, səbəblərin sırasında ət yeməklərinə sərnişinlər arasında tələbatın az olması da göstərilir. Əvvəllər isti ət yeməkləri 90 dəqiqədən çox uçan sərnişinlərə təklif olunurdu.
Beynəlxalq reyslərdə ət yeməyindən imtina etmək hələlik nəzərdə tutulmayıb.
Aygün,
Musavat.com
