"Atletiko Mineiro"nun keçmiş qapıçısı Bruno Fernandes de Souza sosial şəbəkədəki yeni paylaşımı ilə izləyicilərin qəzəbinə tuş gəlib.
Musavat.com xarici KİV-lərə istinadən bildirir ki, keçmiş futbolçu 2010-cu ildə abortdan imtina edən sevgilisini öldürərək, onu itlərə yedizdirmişdi. Törətdiyi dəhşətli qətlə görə futbolçu 22 il həbs cəzası alaraq, açıq həbsxanaya göndərilib.
Bu günlərdə isə Bruno Fernandes de Souza sosial şəbəkədə pitbull iti ilə fotolarını paylaşıb. Onun bu paylaşımı izləyicilər tərəfindən böyük qəzəblə qarşılanıb.
Onu da qeyd edək ki, yuxarıdakı hadisəyə görə Fernandes 2013-cü ildə 22 il həbs cəzasına məhkum edilmişdi.
Xalidə Gəray
Musavat.com
