Bu gün Haaqada Rusiyanın xarici işlər naziri Sergey Lavrov və Ukrayna xarici işlər naziri səlahiyyətlərini icra edən Andrey Deşşitsa arasında görüş olub.
APA-nın BBC-yə istinadən verdiyi məlumata görə, Lavrov Ukraynanın bütün regionları əhatə edəcək irimiqyaslı konstitusion islahatlara ehtiyacı olduğunu bəyan edib.
Həmçinin, rusiyalı nazir bildirib ki, onun ölkəsini heç kim “Böyük səkkizlikdən” xaric edə bilməz. “G-8 qeyri-formal bir klubdur, üzvlük haqqında sənəd orada heç kim üçün yazılmır. Ona görə də “Böyük səkkizlikdən” kimisə qovmaq mahiyyətcə mümkün deyil”, - deyə Lavrov bildirib.
