Gürcüstan Daxili İşlər Nazirliyi (DİN) qanunsuz dövriyyədən çıxarılmış və “qara bazar”da ümumi dəyəri 9 milyon lari (təqribən 3,1 milyon dollar) olan narkotik maddəni məhv edib.
AZƏRTAC xəbər verir ki, bu barədə Gürcüstan DİN məlumat yayıb.
Məhv edilən narkotik vasitələrin içərisində 3 min ədəd subuteks həbi, 1150 ədəd kodein, 327 kiloqram çətənə, 13 kiloqram marixuana, 287 MDMA həbi, 20 metadon ampulası və digər narkotik vasitələr olub.
Qanunsuz dövriyyədən çıxarılmış narkotik vasitələrlə əlaqədar 676 cinayət işi açılıb.
Narkotiklər əlaqədar qurumların iştirakı ilə yüksək temperaturlu sobalarda yandırılıb.
