Güclü külək Lombardiya regionunun əksər hissəsində və Milan şəhərində fəsadlar törədib.
AZƏRTAC xəbər verir ki, nəticədə dörd nəfər ağır yaralanıb. Onlardan üçünü aşan ağaclar əzib, bir işçi dokdan yıxılıb.
Güclü külək Milanın mərkəzi dəmir yolu vağzalının dam örtüyünün bir parçasını qoparıb. Texniki işçilər dəymiş ziyanın miqyasını yoxlayır. Hazırda sərnişinlərin stansiyaya təhlükəsiz şəkildə girib-çıxması üçün xüsusi keçidlər yaradılıb.
Şəhərdəki parklar bağlanıb, meşə sahələrindən istifadəyə qadağa qoyulub.
Monza şəhərində də parklar və qəbiristanlıqlar bağlanıb.
