Türkiyədə gənc bir qadın döş xərçəngi xəstəliyinə yaxalandıqdan sonra özü-özünü sağaltmağı bacarıb. Belə ki, gənc qadının özünün ev şəraitində yetişdirdiyi bənövşəyi çiyələklər sayəsində bu xəstəlikdən xilas olduğu bildirilir.
Türkiyənin Aksaray şəhərində yaşayan 41 yaşlı Havva İnanç bu xəstəliyə yaxalandıqdan sonra şəfalı bitkilər yetişdirməyə və özünü bu yolla xilas etməyə qərar verib. O, bir müddət xeyli toxum əldə edib. Daha sonra öz tarlasında bu toxumları əkib-becərməyə başlayıb. İlk olaraq ənginar yetişdirməklə məşğul olan Havva daha sonra bənövşəyi çiyələk toxumlarını əkib. O internet üzərində apardığı araşdırma əsasında bənövşəyi çiyələyin döş xərçənginə yaxşı təsir göstərdiyini aşkar edib. Həm əkir, həm də özü qidalanır. Havva bu sayəsində xəstəliyinə dördüncü mərhələdə qalib gəlməyi bacarıb. Hazırda Havva bu çiyələyi biznesə çevirib. Havva İnanç Rusiya və Çinə bənövşəyi çiyələyin ixracatı ilə məşğuldur. O, bir ay ərzində 2 tona yaxın məhsul satdığını bildirib. Bu çiyələyin qiyməti elə də baha deyil, 4 kilosu 100 lirədir.
Havva İnanç 135 hektarlıq sahədə 15 nəfər işçi ilə bənövşəyi çiyələyin yetişdirlməsinə nəzarət edir.
Hazırda sosial mediada sözügedən bənövşəyi çiyələyin faydaları geniş müzakirə edilməyə başlayıb.
Bənövşəyi çiyələk giləmeyvədir və güclü tərkibi sayəsində bir çox sağlamlıq problemlərini aradan qaldıra bilir. Əsasən xanımlara fayda verən bənövşəyi çiyələk saç tökülməsi, diabet, hətta döş xərçənginin qarşısını ala bilir.
Turan Oruc
Musavat.com
