Dünən ABŞ mediası polisə istinadən Atlantada iki fərqli təyyarə reysində bomba olması barədə məlumat yaydı. Vurğulanırdı ki, bu xəbər “etibarlı“ mənbədən daxil olub.
Harrtsfiels Cekson Beynəlxalq Hava limanına yerli vaxtla günorta saat 15:00 radələrində bomba quraşdırıldığı ehtimal edilən Delta 1156 və Sousvest 2492 reysləri ilə uçan təyyarələr endi. Müvafiq axtarışlar başladı.
Bu gün isə “The Associated Press” agentliyi bu işlə birbaşa məşğul olmuş Federal Təhqiqat Bürosunun xüsusi xəfiyyəsi Stefan Emmettlə söhbət edib.
O, deyibki, sözügedən reyslərdə bombanın olması barədə xəbəri “Twitter”dən oxuduq. Həmin reyslərlə uçan təyyarələri müşayiət etmək üçün F-16 qırıcıları havaya qaldırıldı.
Xəfiyyə agentliyə bildirib ki, onun çalışdığ ıidarə terrorla bağlı istənilən xəbərdarlığa ciddi yanaşır: “Bu dəfə də məhz elə etdik. Axtarış zamanı heç bir partlayıcı maddət apılmadı. Ancaq biz sayıqlığımızı həmişə qorumalıyıq”.
Elbəyi Həsənli
