Onlar Ə.Zeynallının qəzetdə yazdığı yazılarla bağlı müğənni Nüşabə Ələsgərli, “Azərbaycan” nəşriyyatının direktoru Ağabəy Əsgərov barədə təkzib vermədiyi üçün cərimələndiyini, “Xural”ın redaksiyasında əmlaka həbs qoyulduğunu bildiriblər. Daha sonra şahidlər dövlət ittihamçısının suallarını cavablandırıb. Proses sentyabrın 20-də davam etdiriləcək.
Qeyd edək ki, Ə.Zeynallı ötən il oktyabrın 28-də həbs edilib. Onun barəsində CM-in 311.3.3 və 311.3.4-cü maddələri ilə cinayət işi başlanıb, barəsində məhkəmənin qərarı ilə həbs-qətimkan tədbiri seçilib.
