Sumqayıtda yaşayış yerini tərk edən 3 koronavirus xəstəsi barədə cinayət işi başlanılıb.
DİN Mətbuat xidmətindən Musavat.com-a verilən məlumata görə, aprelin 9-da şəhər ərazisində 6 nəfər aktiv koronavirus xəstəsi ictimai yerlərdə aşkar edilib. Onlarla izahedici söhbətlər aparılıb, tibbi prosedurlar gözlənilməklə yaşadıqları evə qaytarılıblar.
Həmin şəxslərdən 3-cü barəsində Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb.
Digər 3 nəfər barəsində isə istintaq araşdırmaları davam etdirilir.
