Avropanın şimal-qərbində tüğyan edən “Eunice” fırtınası bir sıra ölkələrdə fəsadlar törədib. Nəticədə azı 9 nəfər ölüb.
AZƏRTAC “Reuters” agentliyinə istinadla xəbər verir ki, fırtına zamanı küləyin sürəti rekord dərəcədə - saatda 196 kilometr olub. Yüz mindən çox bina işıqsız qalıb. Fırtına Avropada yüzlərlə uçuşun ləğv edilməsinə səbəb olub.
Niderlandda fırtına nəticəsində 4 nəfər həlak olub.
Belçikada güclü külək kranı xəstəxananın üzərinə aşırıb. Böyük Britaniyada 1 qadın və 2 kişi, İrlandiyada isə 1 nəfər ağacların aşması nəticəsində həlak olub.
