Ermənistanın keçmiş maliyyə naziri Qaqik Xaçatryan təcili yardım maşınında məhkəməyə gətirilib.
Musavat.com erməni mediasına istinadən xəbər verir ki, o, qapalı girişdən iclas otağına aparılıb.
Məhkəmənin özü bağlı qapılar arxasında keçirilib - Xaçatryanın vəkili Erem Sarkisyan məhkəmənin bu rejimdə keçirilməsi üçün vəsatət qaldırıb.
Vəkilin sözlərinə görə, Xaçatryan belə sağlamlıq vəziyyətində kameralar önündə olmaq istəmir.
Qaqik Xaçatryan vəzifə səlahiyyətlərindən sui-istifadə, xüsusilə külli miqdarda rüşvət almaq, çirkli pulların yuyulmasına köməklik etmək kimi cinayətlərdə ittiham olunur.
Musavat.com