Ermənistanın tanınmış siyasi təhlilçisi Musa Mikaelyan erməni mediasında Sarkisyanın "Putin İttifaqı" hesab edilən Avrasiya İttifaqına daxil olmasını tənqid edən yazıyla çıxış edib.
Avropa.info xəbər verir ki, "Sürətlə uçuruma doğru" başlıqlı yazıda Mikaelyan Ermənistanın Rusiya tərəfindən istilasının yekunlaşdığı qənaətindədir.
"10 oktyabr etirazlarından sonra Ermənistanda edilən söhbətlərin çoxu hakimiyyətin istefasının labüdlüyü haqdadır. Hal-hazırkı vəziyyətdən çıxış kimi ilk növbədə Serk Sarkisyanın istefası lazımdır. Ancaq legitim hakimiyyətin bərpasından sonra Ermənistanı çuxurdan çıxarmaq olar.
Hakimiyyətin istefası Ermənistanın müstəqilliyinin geri dönüşü və müstəqilliyin itirilməməsi üçün ilkin şərtdir. Ancaq Ermənistanın gələcəyinin necə olacağı haqda dəqiq fikirlər yoxdur. Fəlakət səviyyəsində olan proses artıq hökumətin nəzarətindən çıxıb. Ermənistan tamamilə xarici qüvvələrin, ilk növbədə Moskvanın səlahiyyətinə verilib. Öz-özlüyündə hakimiyyətin istefası da yekun həll deyil.
Rusiya Ermənistan üzərində səlahiyyətlərini təhvil verməyəcək. Yeni hakimiyyət bu məsuliyyəti öz üzərinə götürməlidir. Ermənistan cəmiyyəti artıq hakimiyyətlə yox, Rusiya ilə üz-üzə durub. Demək olar, müstəqillik əldə edildikdən sonra hər zaman belə olub.
Cəmiyyət bu həlledici məsələni və ölkəni uçurumdan çıxarmağın yollarını müzakirə etməlidir. Bu sürətlə bizi uçurumun dibinə gedirik".
