Ermənistan silahlı qüvvələrinin Baş qərargah rəisi, general Movses Akopyan İrəvanda jurnalistlərlə söhbəti zamanı təmas xəttində “gündəlik gərginliyin qaldığını” bildirib.
Virtualaz.org erməni KİV-lərinə istinadən xəbər verir ki, Akopyan Azərbaycan Silahlı Qüvvələrinin ötən həftə keçirdiyi irimiqyaslı hərbi təlimlər barədə danışıb. Bu təlimləri “diqqətlə izlədiklərini və müvafiq nəticələr çıxardıqlarını” bildirib.
Movses Akopyan erməni KİV-lərində onun işdən azad ediləcəyinə dair yayılmış informasiyaları şərh etməyib. Jurnalistlərin bu haqda sualına “Eşitməmişəm” deyə cavab verib. Habelə general Movses Rusiyadan Azərbaycana yeni silahların gətirilməsinə şərh vermək istəməyib.
