Xəbər verdiyimiz kimi, sentyabrın 27-i səhər saatlarından etibarən Ermənistan Silahlı Qüvvələrinin bölmələri cəbhənin müxtəlif istiqamətlərində Ordumuzun mövqelərini atəşə tutub.
Müdafiə Nazirliyinin yaydığı rəsmi məlumata görə, cəbhənin bütün istiqamətlərində əks-hücum əməliyyatlarına başlanıb.
"Yeni Müsavat" Media Qrupunun Füzuli rayonuna ezam olunmuş reportyorları xəbər verirlər ki, hazırda bu istiqamətdə əks-hücum əməliyyatlarını davam etdirilir.
Sentyabrın 27-dən etibarən düşmən Füzuli istiqamətində kəndləri və fərdi yaşayış evlərini hədəfə alıb.
Nəticədə rayonun Zobucuq 3 qəsəbəsində 2, Zobucuq 2 qəsəbəsində 3, Şükürbəyli kəndində 1, Araytalı kəndində 2, Horadiz şəhərində 4 evə zərər dəyib.
İnsan tələfatı yoxdur, lakin 2 mülki şəxs xəsarət alıb.
Musavat.com ermənilərin hücumu nəticəsində ziyan dəymiş evlərin fotolarını təqdim edir.
İlkin Muradov,
Məhəmməd Türkmən,
Füzuli