“ABŞ separatçı rejimin Azərbaycana təslim olacağı təqdirdə Qarabağ ermənilərinin təhlükəsizliyinə zəmanət verə bilməz”.
Musavat.com Ermənistan mediasına istinadən xəbər verir ki, bu fikir erməni şərqşünas Karine Gevorkyan tərəfindən səslənib.
“Bunun üçün hər hansı hərbi logistika yoxdur. Bundan başqa, heç bir sanksiyalara məruz qalmayan Azərbaycana təzyiq etmək istəyinin olmadığı görünür. ABŞ dünya maliyyə sisteminə, o cümlədən Azərbaycana pul axınına nəzarət edir. Əgər ABŞ Qarabağ ermənilərini qorumaq və bununla da Azərbaycanı həmin zəmanətləri verməyə məcbur etmək istəsəydi, sanksiyalar tətbiq edə bilərdi. Lakin onlar bunu etmirlər”, - deyə Gevorkyan yerli “168 JAM” kanalının efirində deyib.
Onun sözlərinə görə, ABŞ-ın regiondakı siyasəti “ödənişsiz” deyil, bir növ siçan tələsinə qoyulan zəhərli pendirdir.
Musavat.com
