“Hakim partiyanın “lulu”su (“lulu” dedikdə, partiyanın kollektiv obrazı kimi deputat Lusine Badalyanı nəzərdə tutulur) cəsarət edib, Paşinyanı aradan götürməli, baş nazirin müavini Mher Qriqoryanı onun yerinə seçməlidir”.
Musavat.com erməni mediasına istinadən xəbər verir ki, bu barədə yerli politoloq Stepan Danielyan Facebook səhifəsində yazıb.
“Niyə Qriqoryan? Bütün bunların səbəbi gələcək yollar ətrafında geosiyasi intriqalardır. O, bu danışıqlara rəhbərlik edib və bu prosesdən xəbərdardır. Hazırda parlamentə növbədənkənar seçkilər barədə danışmaq tezdir, ölkə hazırda düzgün vəziyyətdə deyil”,-deyə Danielyan söyləyib.
Musavat.com
