Aktyor Elşən Orucov rol aldığı “Tayson” filmindən danışıb.
Musavat.com saytına açıqlama verən aktyor bildirib ki, ekran işi dekabrın 27-si nümayiş olunacaq: ”Qala gecəsinə hazırlaşırıq. Maraqlı ekran işi ərsəyə gətirmişik. Mafiya başçısını oynayıram. “Fəlakət” obrazından sonra mafiya başçısına keçid etmişəm. Məncə, alındı, rolumun öhdəsindən gəldim. Daha dəqiq fikirləri isə filmi izləyən tamaşaçılar deyəcək”.
Elşən Orucov 2017-ci il işıq üzü görən yerli filmlərindən də danışıb: “Düşünürəm ki, hələ “partladan” film olmayıb. Qarşıda 5 film təqdim olunmalıdır. Düşünürəm ki, onlar arasında daha çox sevilən olacaq. Kinoteatrlarda olan göstəricilər film istehsalçılarına təqdim olunur. Baxış sayından bilmək olur ki, hansı film sevilib, bəyənilib, hansı yox”.
Aktyor ailə qurmasından da bəhs edib: “Şəxsi həyatımla bağlı çox danışmağı sevmirəm. Hamı bilir ki, nişanlıyam. Gələn il toy olacaq. Hələ ki, hazırlıqlar gedir”.
Könül,
Musavat.com