Vaşinqtonda Barak Obamanın itini oğurlamaq istəyən şəxsi həbs ediblər.
ANS PRESS-in məlumatına görə, 49 yaşlı Skot Stokert ABŞ prezidenti Barak Obamanın Portuqaliya cinsindən olan Bo adlı iti ilə maraqlanıb.
Hüquq-mühafizə orqanlarının əməkdaşları Stokertin planından xəbərdar olublar. Skot “Hampton Inn” otelinə daxil olan zaman tutulub.
O, amerikalı polis əməkdaşlarına bildirib ki, İsa peyğəmbərdir. Valideynləri isə aktrisa Merilin Monro və ABŞ-ın 35-ci prezidenti Con Kennedidir. O hətta prezidentliyə namizəd olmaq istədiyini də bəyan edib.
Bo və Barak Obamanın qızı
Araşdırma zamanı hüquq-mühafizə orqanlarının əməkdaşları Skot Stokertin maşınından tüfəng, 350-yə yaxın güllə, polis dəyənəyi və maçeta aşkar ediblər.
ABŞ prezidenti Barak Obamanın ailəsi və Bo
Bo adlı it Ağ evdə 2009-ci ildən yaşamağa başlayıb. İt “Bo, amerikalı baş komandan cilovda” kitabının qəhrəmanı da olub. 2013-cü ildə ailə Bo kimi eyni cinsdə olan daha bir iti saxlamağa başlayıb. Heyvanın adını Sanni qoyublar.
Mişel Obama, Bo və Sanni
