Dünyanın ən sürətli avtomobili sayılan “Devel Sixteen” Dubaydan Kanadanın Toronto şəhərinə aparılıb.
Axar.az xəbər verir ki, bu barədə məlumatı Türk Hava Yolları şirkəti yayıb. 2,2 milyon dollarlıq avtomobilin “Turkish Cargo” şirkətinin təyyarəsi ilə daşınmasını “xüsusi yükün daşınması qaydaları” əsasında ekspertlər qrupu təşkil edib.
Qeyd edək ki, “Devel Sixteen” 16 silindirli, 12,3 litrlik mühərrikə, 5000 at gücünə malik maşın 564 kilometr/saat sürət yığa bilir.
