Övladlığa götürdüyü oğlunu cinsi istismara məruz qoyan “ana” günlərdir ki, ABŞ və dünya mediasının gündəmindən düşmür.
Ərindən boşandıqdan sonra ögey oğlu ilə cinsi əlaqəyə girən qadına 6 il müddətinə həbs cəzası verilib.
Musavat.com CNN-ə istinadən xəbər verir ki, ABŞ-ın Florida ştatında yaşayan Lauren Myres adlı qadın uşaqlarının olmaması səbəbilə bir oğlan uşağını övladlıq götürüb. 2 il öncə 15 yaşında olan oğlanı övladlığa götürən ailə may ayında boşanma qərarı alıb.
Həmin tarixdə 17 yaşı olan oğlan uşağı 26 yaşlı analığı Myresin himayəsində qalıb. Boşanmadan 9 gün sonra 17 yaşlı oğlu ilə cinsi əlaqəyə girən Myres qonşuların şikayəti əsasında “cinsi istismar” ittihamı ilə polis tərəfindən saxlanılıb.
Polis bölməsində ifadəsi alınan və adı açıqlanmayan uşaq analığı ilə bir neçə dəfə cinsi əlaqədə olduğunu etiraf edib.
Maraqlı məqam isə ondadır ki, o, ifadəsində yanlış bir şey etmədiyini bildirib. Yeniyetmə 18 yaşının tamamına az qaldığını və Myresdən şikayətçi olmadığını deyib.
Lakin buna baxmayaraq, hakim qarşısına çıxarılan qadın boşanmadan sonra depressiyada olduğunu bəhanə gətirsə də, 6 illik həbs cəzasından xilas ola bilməyib.
Toğrul İsmayıl,
Musavat.com
