Çərşənbə günü keçirilən brifinqdə Gürcüstanın DİN-nin kriminal polisinin rəisi Mamuka Çelidze xəbər verib ki, Afinada dörd Gürcüstan vətəndaşı mənzil soyğununda ittiham olunaraq saxlanılıb.
Oxu.Az bildirir ki, onun sözlərinə görə, Gürcüstanın hüquq-mühafizə orqanlarının yunan həmkarları ilə birgə apardıqları üç aylıq əməliyyat nəticəsində müəyyən edilib ki, saxlanılan şəxslər Yunanısan ərazisində 200-ə yaxın mənzildə soyğunçuluq törədiblər.
“Dörd nəfərin evində və avtomobillərində aparılan axtarış nəticəsində hüquq-mühafizə orqanlarının əməkdaşları tərəfindən maddi sübut kimi müxtəlif tipli odlu silah, pul və oğurluq əşyalar müsadirə edilib”, - M.Çelidze bildirib.
Onun fikrincə, Yunanıstan qanunlarına əsasən saxlanılmış şəxsləri 20 ilə qədər azadlıqdan məhrumetmə cəzası gözləyir.
