Çinin Quansi Cuan Muxtar Rayonunda inşası davam edən su rezervuarında 9 nəfər zəhərlənmədən ölüb.
Yerli hakimiyyət orqanlarının məlumatına görə, bazar günü tikintidə çalışanlardan biri huşunu itirib. Ona kömək etmək üçün gələn digər 10 nəfər də huşunu itirib. Xəstəxanaya çatdırılan 11 nəfərin 9-nun həyatını xilas etmək mümkün olmayıb. Həkimlərin yekun rəyinə əsasən, onların ölümünə səbəb zəhərli qaz olub. Ölənlərin hamısı ərazisində rezervuar inşa olunan kəndin sakinləridir.
Hazırda faktla bağlı təhqiqat aparılır.






