Çexiyada Yeni Zelandiyanın Kraysçörç şəhəri məscidində ibadət edənlərin kütləvi qətlə yetirilməsinə öz şərhlərində bəraət qazandıran sosial şəbəkə istifadəçisinə qarşı ittiham irəli sürülüb.
AZƏRTAC xəbər verir ki, Çexiyanın “irozhlas.cz” nəşrinin yazdığına görə, prokuror Martin Bilı bu informasiyanı təsdiq edib. Tutulan şəxsi 5 ildən 15 ilədək azadlıqdan məhrumetmə cəzası gözləyir.
Prokurorluqdan bildiriblər ki, hazırda hüquq-mühafizə orqanları tərəfindən ümumən 30 oxşar fakt araşdırılır.
