8-9 oktyabr tarixlərində Çexiya Parlamentinin Deputatlar Palatasına (aşağı palata) keçirilən seçkilərdə "Birlikdə" koalisiyası qalib gəlib.
Musavat.com APA-ya istinadən xəbər verir ki, bunu Çexiya Statistika İdarəsi səslərin sayılması başa çatdıqdan sonra açıqlayıb. Koalisiya 27.79% səs toplayıb. Lakin Baş nazir Andrey Babişin rəhbərlik etdiyi "Narazı Vətəndaşların Aksiyası" hərəkatı 27,12 % səs yığsa da parlamentin aşağı palatasında təmsil olunan ən güclü partiyadır.
Hərəkat 200 deputat mandatından 72-nə, "Birlikdə" koalisiyası isə 71-nə sahib olacaq.
Qeyd edək ki, seçkilərdə seçici fəallığı 65,43 % olub.
