Çempionlar Liqasında İspaniyanın “Real” klubu səfərdə “Mançester Yunayted”ə 2:1 hesabı ilə qalib gəlib. İlk oyun 1:1 hesablı heç-heçə ilə başa çatdığından, “Real” bu qələbə ilə növbəti mərhələyə çıxıb.
“Real”ın qollarını 66-cı dəqiqədə Modriç, 69-cu dəqiqədə isə Ronaldo vurub. Meydan sahiblərinin yeganə qolunun müəllifi də “Real”ın futbolçusu olub. 48-ci dəqiqədə Ramos öz qapısına qol vurub.
Qarşılaşmanın 57-ci dəqiqəsində türk hakim Cüneyt Çakır “Mançester Yunayted”in futbolçusu Naniyə Arbeloaya təpik vurduğuna görə birbaşa qırmızı vərəqə göstərib.
