Böyük Britaniyanın baş naziri Rişi Sunak 30 minə yaxın xəstənin HİV və hepatit C-yə yoluxduğu qanköçürmə qalmaqalından sonra ictimaiyyət qarşısında üzr istəyib.
Musavat.com xarici mediaya istinadla xəbər verir ki, onun müraciəti hökumətin saytında dərc olunub.
“Bu, Britaniya dövləti üçün utanc günüdür. Bugünkü hesabat göstərir ki, milli həyatımızın kökündə onilliklər davam edən mənəvi uğursuzluq dayanır”, - Rişi Sunak deyib.
O, bunun heç vaxt olmamalı olduğunu deyib və zərərçəkmiş ailələrdən hökumət adından ictimai şəkildə üzr istəyib. Eyni zamanda, Sunak qeyd edib ki, sadəcə üzr istəmək və təzminat ödəmək kifayət deyil. "Biz sistemi əsaslı şəkildə balanslaşdırmalıyıq", - baş nazir deyib.
Çərşənbə axşamı, mayın 21-də London zərərçəkənlərə ödəniləcək maddi təzminatın məbləğini açıqlayacaq.
Məsələni tədqiq edən ser Brian Langstaff daha əvvəl 1970-ci illərdə qanköçürmədən sonra bir çox HİV və hepatit xəstəsinin infeksiyalarına dair beş illik araşdırmadan sonra hesabat dərc etmişdi. İstintaq 2017-ci ildə o vaxtkı baş nazir Tereza Meyin tapşırığı ilə başlayıb. Elmi işlərdən məlum oldu ki, o zamanlar həmişə transfuziyaya ehtiyacı olmayan insanlar gen qüsuru hemofiliyanın (qan laxtalanmasının anadangəlmə olmaması və ya azalması nəticəsində yaranan qan xəstəliyi) inkişafına səbəb ola biləcək dərman qəbul edirdilər.
Laxtalanma faktoru VIII dərmanı ABŞ-da istehsal edilib. Donorlar çox vaxt narkotikdən istifadə edən insanlar, eləcə də keçmiş məhbuslar olub. Onların qanı 1986-1991-ci ilə qədər İİV və Hepatit C üçün yoxlanılmayıb.
Hesabatın müəllifləri hadisəyə görə ölkə hökumətini günahlandırıblar.
Tədqiqatın müəllifləri vurğulayırlar ki, böyük ehtimalla Britaniya hakimiyyəti fəlakətin miqyasını gizlədib, nəticədə 1970-1990-cı illərdə on minlərlə insan hepatit C və ya HİV-ə yoluxub, onlardan üç min nəfəri xəstəliyin nəticələrindən sağ çıxmayıb.
2023-cü ildə insan immunçatışmazlığı virusuna yoluxma hallarının əvvəlki illə müqayisədə 4,6 faiz azaldığı bildirilir. Nəticədə əhalinin hər 100 min nəfərinə bu rəqəm 40 nəfərə yaxın olub. Ümumilikdə, 2023-cü ildə həkimlər 34 254 İİV-ə yoluxmuş insanı xilas edə bilməyiblər ki, bu da bir il əvvəlkindən 0,5 faiz azdır.
2023-cü ildə İİV-ə yeni yoluxma hallarının sayı 58 minə yaxın olub. O da məlumdur ki, xəstəlik aşkarlanan insanların dörddə birindən çoxu (28,3 faiz) dispanser qeydiyyatında olmayıb və ya müşahidədən itib. Adətən bu insanlar narkomandırlar, qeydiyyatdan keçməkdən qorxanlar, eləcə də diaqnozdan xəbəri olmayanlar olur.
Musavat.com
