Bu gün Azərbaycan Premyer Liqasında XIII tura yekun vurulub.
Qol.Az-ın məlumatına görə, son oyun günündədaha iki qarşılaşma keçirilib.
Turun mərkəzi qarşılaşması “Dalğa Arena”da baş tutub. Burada “Xəzər Lənkəran” prinsipial rəqibi “Neftçi”ni qəbul edib. Gərgin keçən görüşdə qapılara 4 qol vurulub. Eyni zamanda 4 qırmızı vərəqənin olduğu matçda qalib müəyyənləməyib - 2:2.
Digər oyunda isə “Bakı” “Sumqayıt”ın qonağı olub. Sumqayıt şəhər stadionunda qalib müəyyənləşməyib. Hərəyə bir dəfə fərqlənən komandalar meydanı 1 xalla tərk ediblər - 1:1.
Qeyd edək ki, turnir cədvəlinə 24 xalla “Qarabağ” başçılıq edir.
