Avtobusun sürücüsü sərxoş çıxıb
Bakının Nərimanov rayonunda zəncirvari yol qəzası baş verib.
Musavat.com-un məlumatına görə, yol polisi əməkdaşları Ziya Bünyadov prospektində reyd keçirən zaman “Hyundai” və “Mercedes” markalı avtomobillərin sürücülərinin sərxoşluğunu yoxlamaq üçün saxlatdırıblar. Bu zaman arxadan yüksək sürətlə gələn sərnişin avtobusu “Mercedes”ə, o isə öz növbəsində “Hyundai”yə çırpılıb.
Qəza zamanı “Mercedes”in sürücüsü və avtomobildəki sərnişin xəsarətlər alıblar. Əraziyə təcili tibbi yardım briqadası çağırılıb. Yaralılara hadisə yerində ilkin tibbi yardım göstərilib.
Yoxlama zamanı sərnişin avtobusunun sürücüsünün sərxoş olduğu müəyyən edilib. O, sərxoşluğun müayinəsi məntəqəsinə aparılıb. Qəza zamanı avtobusda sərnişin olmayıb.
Faktla əlaqədar araşdırmalar aparılır.
Musavat.com
