Bakının Nəsimi rayonunda azyaşlı uşağın başı mənzilin pəncərəsində olan dəmir barmaqlıqlar arasında sıxılmış vəziyyətdə qalıb. Musavat.com Fövqəladə Hallar Nazirliyinin (FHN) saytına istinadən xəbər verir ki, dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub.
Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə, pəncərənin dəmir barmaqlığını kəsərək, azyaşlının xilas olunmasını təmin edib və aidiyyəti üzrə təhvil veriblər.
