Havalar isindikcə, insanlar istirahət etmək üçün Dənizkənarı Milli Parka (bulvar) üz tuturlar.
Lakin ötən illərdən fərqli olaraq, bulvarda da devalvasiyanın işartıları sezilir.
Misal üçün, əgər ötən il bu vaxtlar bulvarda olan böyük gəminin yerinə birmərtəbəli kiçik gəmi fəaliyyət göstərirdisə, bu gün o da yoxdur.
Attraksionlarda isə çox nadir hallarda kiməsə rast gəlmək olur. Attraksion işlədənlər özləri də bu faktı təsdiqləyərək bildirdilər ki, insanlar uşaqları ilə daha çox skamyalarda əyləşmək, dəniz kənarında gəzməklə istirahət etməyə üstünlük verirlər. Onların sözlərinə görə, ötən il vəziyyət bundan yaxşı idi...
Bütün bunlara baxmayaraq, Bakı sakinləri xoşbəxt görünürlər.
Fotoların müəllifi: Əli Rais
