İŞİD lideri Əbubəkir Bağdadi terror qruplaşmasının Suriyanın şimal-şərqində qurulan yeni dəstəsinə liderlik etməsi üçün Səudiyyə Ərəbistanında doğulan bir qadın terrorçunu təyin edib.
Musavat.com xəbər verir ki, bu barədə məlumat "Al-Arabiya"da yer alıb.
Məlumata görə, Nada əl-Kahtani adlı qadın İŞİD-ə 2013-cü ildə qoşulmuş və Rəqqada Hansa adlı başqa bir dəstəyə başçılıq edib.
O da bildirilir ki, N.Kahtani yalnız qadınlardan ibarət olan birliyin başına keçəcək.
Ə.Bağdadinin N.Kahtani ilə iki dəfə görüşdüyü də verilən məlumatlar içərisindədir.
Aygün SƏFƏRLİ,
Musavat.com
