Bu gün (17 sentyabr) Nizami rayonu Məmmədəli Şərifli küçəsində elektrikin verilişində problem yaranıb.
Bu barədə Musavat.com-a ərazidə yaşayan sakinlər xəbər veriblər. Sakinlər qeyd ediblər ki, bununla bağlı “Azərişıq” ASC ilə əlaqə saxlamağa cəhd etsələr də, onların zənglərinə cavab verilməyib.
Məsələ ilə bağlı “Azərişıq” ASC-nin mətbuat xidmətinin rəhbəri Vaqif Aydınoğlu ilə əlaqə saxladıq. O, Musavat.com-a açıqlamasında ərazinin saatlarla işıqsız qalması məsələsinə belə aydınlıq gətirdi: “Bu, bizdən asılı olmayan səbəbdən baş verib. Həmin ərazidə ekskavator yer qazanda əsas yüksək gərginlik xətti olan yeraltı kabeli zədələyib. Hazırda ərazidə elektrikin verilişi bərpa olunub”.
Afaq,
Musavat.com
