Azərbaycanın Nəqliyyat, Rabitə və Yüksək Texnologiyalar naziri Rəşad Nəbiyev, ölkədə səfərdə olan Böyük Britaniyanın Dövlət Katibinin Parlament nümayəndəsi, ixracat naziri Qraham Styuartla görüşüb.
"APA-Economics" xəbər verir ki, nazir bu barədə "Twitter" hesabında yazıb.
Nazir bildirib ki, görüşdə nəqliyyat sahəsində cari və perspektiv əməkdaşlıq məsələləri müzakirə olunub, rəqəmsal transformasiya haqqında fikir mübadiləsi aparılıb.
